Djali i ish-Kryeministrit Berisha, Shkëlzen Berisha, ka qenë dje pasdite në Prokurorinë e Tiranës, ku është marrë në pyetje nga prokurori Ardian Braho për rolin e tij në privatizimin e OSSH-së nga kompania çeke CEZ.
Ashtu siç ishte paralajmëruar më parë, përmes një fletëthirrjeje të lëshuar nga Prokuroria e Tiranës, Shkëlzen Berisha u paraqit në orët e mbrëmjes në Prokurori larg syve të medias dhe të njerëzve për të dhënë shpjegimet e tij në lidhje me aferën, që i shkaktoi një dëm prej 414 milionë eurosh buxhetit të shtetit.
Në Prokurorinë e Tiranës thonë se Shkëlzen Berisha qëndroi rreth 30 minuta në Prokurori dhe ka mbajtur qëndrim mohues për përfshirjen e tij në privatizimin e OSSH.
Nuk bëhen të ditura shumë detaje në lidhje me pyetjet e përgjigjet e Shkëlzen Berishës. Ai akuzohet nga dosja e përpiluar nga Komisioni Hetimor Parlamentar për “ushtrim të ndikimit të paligjshëm ndaj funksionarëve, që kanë poste publike”.
Shkelzen Berisha gjithashtu akuzohet edhe për “refuzim të dhënies së dëshmisë”. Akuzë që lidhet me dëshmitë e tij në Komisionin Hetimor Parlamentar, kanë prodhuar debate të ashpra mes tij dhe kryetarit, Taulant Balla.
Më konkretisht, Shkëlzen Berisha është akuzuar se ka ndërhyrë në arritjen e marrëveshjes mes shtetit shqiptar dhe kompanisë çeke CEZ, në rolin e sekserit mes babait të tij kryeministër Sali Berisha dhe krerëve të kompanisë çeke. Madje Shkelzen Berisha akuzohet se për këtë rol ndërmjetësuesi mes kompanisë dhe babait të tij kryeministër, ka përfituar një shumë prej 7 milionë eurosh cash. Të cilat i ka tërhequr miku i tij sekser Nuel Kalaj. Dhe ky i fundit nuk ka dëshmuar në Komisionin Parlamentar të Hetimit të aferës së CEZ.
Burimet pranë prokurorisë theksojnë se dosja është e kopsitur dhe pritet vetëm prerja e fletëarrestit për Shkelzen Berishës, duke pasur parasysh se djali i ish kryeministrit jo vetëm ka abuzuar me shuma të mëdha me paratë e shtetit nga pozicioni i djalit të ish kreut të qeverisë, por është dhe personi që është gjithnjë në lëvizje dhe është tepër e vështirë për ta marrë dëshminë e tij të mëtejshme sa herë ta lypë akuza, në gjendje të lirë. Ndaj pritet që së shpejti të pritet fletëarresti për Shkelzen Berishën për ta dërguar në burg për aferën e CEZ.
Mësohet se duke qenë se Shkelzen Berisha ka qënë thjeshtë sekseri apo ndërmjetësi mes krerëve të kompanisë çeke CEZ dhe babait kryeministër Sali Berisha për të privatizuar kompaninë shqiptare të shpërndarjes së energjisë OSSH, pritet thirrja e vetë Sali Berishës në prokurori për të dhënë shpjegime dhe për të qënë pjesë e grupit të të hetuarve për këtë aferë. Ku shteti shqiptar ka humbur 414 milionë euro. Pa llogaritur imazhin e dëmtuar si shtet serioz me marrëdhënie serioze me bizneset.
Fletëthirrja për Sali Berishën pritet të startojë së shpejti, duke parë dhe shpejtësinë me të cilën po hetohen dosjet e rënda në Shqipëri nga drejtësia e re, pasi kishin fjetur për vite të tëra nëpër sirtarët e ish kryeprokurorit Adriatik Llalla. Pjesën më të madhe të të cilave ai kishte kërkuar të mbyllen apo dhe i ka mbyllur.
Tashmë Berisha familjarisht pritet të jetë në dizpozicion të Prokurorisë për aferën e rëndë të CEZ, ku shteti shqiptar humbi mbi 414 milionë euro. Para që kanë përfunduar në xhepat e Berishës dhe familjes së tij./Pamfleti.com
