Kreu i Partisë Mundësia Agron Shehaj i kërkoi kryeministrit Rama të mbajë përgjegjësi për arrestimet e bashkëpunëtorëve të tij më të ngushtë e të japë dorëheqjen.
Teksa komentoi përgjigjen e Ramës ndaj një gazetari mbi vënien nën hetim të zv.kryeministres Belinda Balluku, Shehaj thekson se para Ballukut, prokuroria do arrestonte ish-zv.kryeministrin Arben Ahmetaj, i cili iku në arrati ndërsa ish-kryebashkiaku i Tiranës Veliaj është në burg.
“Si, nuk të intereson që po arrestojnë Belinda Ballukun? Ej, kthjellohu, është zëvendësja jote. Para saj, donin të arrestonin Ahmetajn, që ia mbathi në arrati në Zvicër. Ndërkohë Erion Veliajn, krahun tënd të djathtë e kë në burg, për korrupsion edhe ai. Sa veta duhet të të arrestojnë ty që të mbash përgjegjësi. Bëhu burrë, mbaj përgjegjësi dhe jep dorëheqje.” – thotë Shehaj në video.
