Gazetari Jetmir Olldashi mori mesditën e sotme përsipër gjithë historinë denoncuese dalë nga selia blu për audio-përgjimin e Agron Xhafajt me dëshmitarin X.
Olldashi rrëfeu me detaje si ra në kontakt me Albert Veliun, si i vuri regjistruesin dhe si më pas njoftoi deputetin e PD Ervin Salianji. E gjitha siç rrëfeu Olldashi është realizuar nga vetë ai përmes një pune investigative.
Menjëherë ka nisur debati lidhur me faktin se pse gazetari nuk e publikoi në median që drejton vetë, portalin boldneës apo emisionin investigativ që drejton gjithashtu vetë por ia serviri selisë blu.
Në këtë kontekst, gazetari Edmond Arizaj shkruan:
“Gazetar?! Dikush që drejton një portal lajmesh, që është në një emision tip investigativ, dhe intervistën “e jetes” e bën për llogari të një partie politike, as për portalin e tij e as për emisionin, vetëm gazetar nuk mund të quhet (gjithmone nësë informacioni është i vërtetë)…”, shkruan Arizaj në komentin e tij.
Nga selia blu, Lulzim Basha i shprehu admirimin e tij gazetarit Olldashi për punën e bërë.
