Agron Gjekmarkaj, nënkryetari i PD, deklaroi në emisionin “Kjo Javë” se kryetari i opozitës Sali Berisha e fitoi betejën me Berishën se 11 maji ishte një farsë elektorale.
Duke folur për situatën brenda PD, Gjekmarkaj tha se askush nuk ka luftuar kaq paepur sa Berisha për zgjedhje të lira dhe ndershme. Dhe si askush tjetër besoi te koncepti i farsës elektorale, e argumentoi çdo ditë, me video të pafundme. Kush kishte sy për të parë dhe vesh për ët dëgjuar se kuptoi se në Shqipëri ka një farsë. Dhe sot ke raportin që i rrëzon zgjedhjet si të vjedhura dhe të manipuluara”, tha numri dy i PD, Agron Gjekmarkaj.
Gjekmarkaj shtoi se Berisha është aseti i PD-së, por debati publik nuk duhet të shmanget nga tema që kanë më tepër peshë si e ardhmja e qeverisjes, se sa të merren me opozitën dhe kreun e saj.
“Vë re, kur na bëhen pyetje çfarë do bëjë PD, dhe i shmangemi temave të mëdha të qeverisë në këtë vend. Nëse kemi mundësi ne zgjedhjet i bëjmë nesër. Nuk presim kohën kur i bie të skadojë legjislatura. Në kohën që kemi përpara kemi sfida më të mëdha se sa të hamendësojmë për të ardhmen. Duhet të luftojmë çdo ditë që të japim alternativë për shqiptarët. Berisha është një aset i pashmangshëm për historinë e PD.
E ndan vota në demokraci. Kam shqetësim ditën e hënë a do kemi parlament, kemi dy muaj që vërtitemi të flasim për probleme jo thjesht për zgjedhje për jetën e përditshme. Ata nuk duan kontroll të opozitës mbi qeverinë. Në çdo rast gjejnë një hile për ta trysnuar opozitën. Nuk jemi ne që duke u edukuar me receta e Ballës apo Peleshit, mund të na thonë sot nuk jeni serioz dhe mbyllin parlamentin. Duan pretekst. Ky është shqetësimi im, mbyllja e institucioneve.”
