Komisioni i Pavarur i Kualifikimit ka ndezur motorët javët e fundit për të mbyllur sa më shpejt procesin e verifikimit të gjyqtarëve dhe të prokurorëve. Fillimisht procesi po ecte me ritme të ngadalta dhe kjo solli vërejtje nga shumë organizata dhe nga ndërkombëtarët. Por kohët e fundit po zhvillohen nga 5-6 seanca dëgjimore në javë.
Kështu do të ndodhë derisa lista prioritare me 57 emra të përfundojë. Sipas burimeve të gazetës, kanë qenë ndërkombëtarët ata që kanë kërkuar mos të ketë zvarritje. ONM ka qenë e prerë kundër KPK, duke thënë se tashmë të gjithë duhet të dalin në seanca dëgjimore sa më shpjet. Arsyeja e nxitimit është se do hapet rruga për organet e reja, por është dhe rreziku i apelimit.
Që një gjyqtar apo prokuror të shkarkohet do të pritet dhe vendimi i Kolegjit të Apelimit. Edhe aty është vënë re se ka pasur shumë zvarritje dhe kjo ka filluar t’i shqetësojë ndërkombëtarët, pasi procesi mund të bllokohet. Ata ja u kanë bërë të qartë anëtarëve të vetingut se rivlerësimi do të kryhet pa asnjë dallim për të gjithë. Deri më tani janë shkarkuar nga vetingu plot 15 persona.
Ajo që bie në sy është se të gjithë janë emëruar nga qeveria “Berisha” dhe kur president ishte Bujar Nishani. Ky i fundit ka dy herë përgjegjësi. Së pari Nishani ishte anëtar i KLD dhe ai kishte për detyrë që të garantonte një drejtësi të pavarur dhe të ndëshkonte gjyqtarët e korruptuar.
Nga ana tjetër me detyrën si president ai ishte që dekretonte gjyqtarë dhe prokurorë që propozoheshin nga Adriatik Llalla dhe nga KLD. Sa i takon Gjykatë së Lartë dhe asaj Kushtetueses përgjegjës është Sali Berisha. Mazhoranca e drejtuar nga PD ka qenë ajo që ka bërë emërimet duke i votuar të gjithë emrat ë janë penalizuar sot.
Mbetet të shihet nëse do ketë avancim të procesit për të ngelurit e vetingut, pasi të gjithë presion që ata të shkojnë para drejtësisë dhe të japin llogaria, kjo pasi shumica kanë kryer vepër penale duke mos deklaruar pasurinë./sot
