Hija e prefektit të Tiranës Afrim Qëndro shfaqet pas tenderit të blerjes së 8080 copë tabletave që Instituti i Statistikave ka projektuar për ti përdorur me qëllim zhvillimin e procesit të Censusit që do zhvillohet në muajin Tetor 2022.
Afrim Qëndro u shkarkua si drejtor i ARRSH në janar 2019 pas skandalit të vjedhjes së fondeve publike nga Bashkim Ulaj dhe Damian Gjiknurit, me kompaninë fantazmë DH Albania.
Në fund u dënua vetëm çunaku i Avdjol Dobit, ndërsa Ulaj dhe Gjinuri vijuan rrugën e pasurimit. Afrim Qëndro, dora e besuar e Gjiknurit, jo vetëm i shpëtoi ndēshkimit ligjor, por u emërua në postin e nënkryetarit të Bashkisë së Vlorës dhe më pas Prefekt i Tiranës.
Me sa duket, Afrim Qëndro ka futur një tjetër dorë të fshehtë në buxhetin e shtetit.
Kompania “Ligus”
Kompania “Ligus” që zotërohej nga njerëz të afërm të Afrim Qëndros po synon të marë në tavolinë tenderin me vlerë prej 2 miliard e 300 milion lekë të vjetra.
Aktualisht kjo kompani përbëhet nga dy pronarë: Amarilda Çelaj dhe Erion Muçaj, ndërsa administrator i saj rezulton të jetë Klaudio Pashaj.
Personi që ka hapur në muajin Mars 2015 këtë kompani quhet Natali Dhima. Në Janar 2017, Natalia ia ka dhuruar të gjitha aksionet e kompanisë “Ligus”, një personi tjetër që quhet Shupo Qëndro nga Progonati i Tepelenës, që siç mësohet është njeri i afërt i prefektit të Tiranës, Afrim Qëndro.
Por 6 muaj pasi Shupo Qëndro e kishte përfituar përmes dhurimin kompaninë “Ligus”, ka vendosur që në korrik 2017 të dhurojë 50 për qind të aksioneve tek një person tjetër, që është Erion Muçaj nga qyteti i Gjirokastrës.
Të dy së bashku aksionerët risin në mënyrë të menjëherës kapitalin e kompanisë me 74 milionë lekë të vjetra secili.
Por, në datën 14 Tetor 2020 sërisht Shupo Qëndro, çuditërisht vendos të largohet përfundimisht nga kompania “Ligus”, duke vendosur t’ia dhurojë 50 për qind të aksioneve të tij, shtetases Amarilda Çelaj nga qyteti i Vlorës.
Shupo Qëndro që hyri në këtë kompani të tregtimit të paisjeve elektronike dhe përfituese e dhjetëra tenderave shtetërorë, vendosi gati dy vite më parë të dalë në mënyrë të dyshimtë nga kjo kompani përmes dhurimit të aksioneve.
Kontratat e dhurimit janë bërë jo para noterit, duke sjellë një dyshim të arsyeshëm se pas kësaj kompania që hyn në tendera të majmë shtetërorë, vijon të qëndrojë Shupo Qëndro, njeriu i afërm i prefektit të Tiranës, Afrim Qëndro.
Nga viti 2019 e deri në vitin 2022 kompania “Ligus” ka përfituar mbi 1 miliard e 300 milionë lekë nga buxheti i shtetit, dhe këtë e ka bërë përmes 62 transaksioneve të kryera përmes degëve të Thesarit pranë Ministrisë së Financave.
Tashmë pronarët Qëndro, që qëndrojnë pas kësaj kompanie synojnë të përfitojnë në tavolinë tenderin prej mbi 2 miliard lekë, për të cilin INSTAT ka deklaruar një tjetër kompani që ka dhënë ofertën më të ulët, kompaninë “PC-Store”.
Sasi prej 8080 copë tableta elektronikë është parashikur të blihet nga Instituti i Statistikave (INSTAT), me qëllim kryerjen e procesit të censusit të popillsisë, që është planifikuar të kryehet në muajit Tetor 2022.
Për blerjen e logjistikës elektronikë INSTAT ka parashikuar një fond prej 2 miliard e 246 milion lekë të vjetra, ndërkohë kjo shifër rritet dhe me 89 milion lekë të vjetra, pasi shtohet dhe blerja e 8080 copë baterive “Power Banks” që do shërbejnë për karrikimin në teren të çdo tablet që do përdoret për rregjistrimin e popullsisë.
Mëohet se tenderi është fituar nga kompania “PC-Store” e biznesmenëve Elton dhe Vitator Mehmeti, duke ofruar shifrën prej 1 miliard e 696 milion lekë të vjetra.
Kjo ofertë është dhënë për blerjen e 8080 copë tabletave dhe baterive, dhe rezulton të jetë 550 milion lekë të vjetra poshtë fondit limit të vënë në dispozicion nga INSTAT.
Njëherësh në këtë tender kanë konkuruar duke dhënë ofertat e tyre dhe kompanë të tjera si “BNT Elektronics”, “Infosoft System”, “Introvus Solution” dhe kompania “Ligus”.
Duke vlerësuar se plotësonte të gjithë kërkesat teknike dhe ligjore të parashikuara në dokumentat e tenderit, Komisioni i Vlerësimit të Ofertave, në muajin Maj 2022 shpalli fitues kompaninë “PC-Store”.
Në të njëjtën ditë pas kësaj kompanie, renditeshin me oferta shumë më të larta, kompanitë “Ligus” dhe “Infosoft”, përkatësisht me 194.7 milionë lekë të reja dhe 197.8 milionë lekë të reja.
Pra me një vlerë prej 430 deri në 450 milion lekë të vjetra më tepër se oferta e kompanisë fituese.
Por, megjithëse është shpallur zyrtarisht fituesi nga INSTAT, ky tender tashmë është stopuar duke bërë që mes kompanisë Pc-Store dhe Institutit të Statistikave të mos zyrtrizohet marëveshja.
Kjo pasi dy kompanitë pjesëmarëse si “Ligus” dhe “Infosoft”, i janë drejtuar me ankesa zyrës së Komisionit të Prokurimeve Publike, duke kërkuar shfuqzimin dhe shpalljen e pavlefshëm të vendimit të Komisionit të Vlerësimit të Ofertave në INSTAT, dhe detyrimin e këtij institucioni që të shpallë fitues njërën nga dy kompanitë që kanë shpalosur ankim në KPP.
Deri në këtë fazë mësohet se ende KPP nuk ka çelusr senacën e dëgjimit të palëve, ndërkohë në fillim të muajit Tetor 2022 qeveria duhet të fillojë zbatimin në teren të procesit të rregjistrimit të popullsisë në Shqipëri.
