“FourFourTwo” i ka kushtuar një artikull tensioneve mes dy vendeve, duke intervistuar futbollistin serb Nemanja Matiç dhe raportet që ai ka me dy yjet e Zvicrës Xhaka dhe Shaqiri.
Këta të fundit në jo pak raste kanë shfaqur në fushën e blertë simbole të kombit shqiptar, sikurse ishte shqiponja me duar gjatë ndeshjes me Serbinë. Matiç i vlerëson të dy lojtarët, megjithatë ai mendon që shpesh ata i përdorin gjestet për të fituar popullaritet dhe kredite politike.
Lojtari serb ngre pyetjen se nëse Xhaka dhe Shaqiri e duan kaq shumë Kosovën dhe Shqipërinë atëherë pse veshin fanellën e Zvicrës.
“I respektoj si futbollistë, kam luajtur kundër tyre disa herë në Premier League. Por me ato gjëra të vogla, ata mbledhin lehtësisht pikë politike”, tha Matiç për FourFourTwo.
“Ata janë rritur në Zvicër. Duke u sjellë kësisoj nuk po tregon respekt për vendin për të cilin luan. Nëse të pëlqen kaq shumë Shqipëria, atëherë pse nuk luan për Shqipërinë? Kjo është pyetja ime. Mund të të pëlqejnë disa vende, kjo nuk është problem.
Më pëlqen Serbia, është vendi im. Gjithashtu më pëlqen Anglia, kam kaluar shumë kohë atje. Por kurrë nuk do të them se më pëlqen Anglia më shumë se Serbia. Duhet të jesh i sinqertë”.
“Kam luajtur kundër Xhakës shumë herë dhe kurrë nuk kam pasur problem. Gjithmonë shtrëngonim duart, ai është një lojtar i mirë, edhe Shaqiri. Por kurrë nuk do të bëja diçka të tillë, të provokoja dikë. I respektoj të gjithë.”
Dy ndeshjet më të fundit Serbi-Shqipëri kanë kaluar kryesisht pa incidente, veçanërisht pasi u zgjodhën vende më të vogla në qytete kryesore për të pritur ndeshjet.
Access all TV channels anywhere, anytimeTechno Mag |
Sponsored
