Këshilli i Ministrave i është drejtuar me një shkresë zyrtare Gjykatës Kushtetuese, duke i kërkuar të shprehet për vendimin e togave të zeza, për pezullimin nga detyra të zëvendëskryeministres Belinda Balluku, e akuzuar për shkelje të barazisë në tendera në dy raste.
Kryeministria i kërkon Gjykatës Kushtetuese, si institucioni i vetëm dhe më i lartë që mund të interpretojë ligjet dhe vendimet e Republikës, që të shfuqizojë vendimin e Gjykatës së Posaçme, i cili nuk e lejon Belinda Ballukun të ushtrojë detyrën si Ministre dhe Zëvendëskryeministre.
Gjithashtu, Qeveria shqiptare kërkon pezullimin e vendimit deri në përfundimin e shqyrtimit të kësaj kërkese nga Gjykata Kushtetuese, si dhe interpretimin e pikës 3, të nenit 103, të Kushtetutës, i cili përcakton kompetencat e Kryeministrit dhe të Këshillit të Ministrave.
Më poshtë, tre kërkesat e Këshillit të Ministrave për Gjykatën Kushtetuese:
1- Shfuqizimin e vendimit nr. 118, datë 19.11.2025, të GJKKO-së, për pjesën që ka vendosur masën ndaluese ndaj Ballukut;
2- Pezullimin e këtij vendimi deri në përfundimin e shqyrtimit të kësaj kërkese nga Gjykata Kushtetuese;
3- Interpretimin e pikës 3, të nenit 103, të Kushtetutës, i cili përcakton kompetencat e Kryeministrit dhe të Këshillit të Ministrave.
Dokumenti i dorëzuar nga Kryeministria sqaron kërkesën e saj dhe kërkon një përgjigje ligjore nga Gjykata Kushtetuese për të vendosur nëse vendimi i GJKKO-së për Belinda Ballukun mbetet në fuqi ose pezullohet deri në përfundimin e shqyrtimit.
Siç është njoftuar zyrtarisht, Prokuroria e Posaçme e akuzon Belinda Balluku për kryerjen e veprës penale “Shkelje e barazisë në tendera”, në dy raste; për Tunelin e Llogarasë dhe për tre Lote të ndërtimit të Unazës së Madhe në Tiranë.
Belinda Balluku është numri dy i qeverisë shqiptare dhe në mungesë të kryeministrit, ajo ka atributet kryesore të drejtimit të vendit. Përveç propozimeve për ndryshime në kabinet të cilat janë detyrë ekskluzive e kryeministrit, zëvendësi ushtron të gjitha të tjerat. gjithashtu është person i mandatuar nga Kuvendi i Shqipërisë dhe Presidenti i Republikës nuk është nëpunës i administratës civile dhe deputete e zgjedhur.
