Ish-prokurori, Shkëlqim Hajdari deklaroi se akuzat e opozitës që kryeministri Edi Rama kontrollon SPAK-un nuk janë koherente.
Hajdari shprehet se në rast se kjo do të ishte e vërtetë, kur SPAK-u godet pjesë të qeverisje së ministrave, ata do ta kritikonin. Sipas Hajdarit, e vetmja rrugë shpëtimi është reforma e thellë.
“Këto akuzat që i bëhen kryeministrit të Shqipërisë për kontrollimin e SPAK-ut, nuk janë koherente. Sepse kur SPAK-u godet pjesë të qeverisjes së ministrave, këto nuk i kritikojnë.
Problemi është që nëse SPAK do të kontrollohej nga politikanë të caktuar, përfshirë dhe kryeministrin, ne do kishim prenoncime më direkte të partnerëve ndërkombëtar që e kanë investuar SPAK-un në shërbim të publikut shqiptar. Në përpjekje, dmth që SPAK të mos marri sukses, veprime të cilat çojnë sinjale ka nga të gjitha palët.
Kjo ka një rrugë që mund të shpëtojmë, rruga e vetme është Reforma e thellë dhe ajo që bëri sot zoti Meta, në deklaratat e fundit deklaroi që ne nuk do të bëjmë më te partia jonë klientelizëm, dmth o unë o zonja ime do ta drejtojë këtë parti, ajo do të duhet të kishte ndodh herët në Shqipëri”, tha ai në emisionin “360 Gradë”.
