Shqipëria është me të vërtetë vendi i paradokseve. Nuk ka vend tjetër në botë ku në ballo shkojnë katundarët, në emisione televizive flasin për edukimin e fëmijëve femrat e pamartuara, për martesën e qëndrueshme gratë dhe burrat e divorcuar, për bashkëjetesën gratë dhe burrat që kanë kapërcyer në moshë, për ekonominë filozofët, për historinë inxhinierët dhe për politikën kirurgët. Një vend me të vërtetë i çuditshëm, dhe që argumenton më së miri se përse ky vend nuk është bërë kurrë dhe pëse pasuritë e shqiptarëve bëhen rrush e kumbulla nga turli aventurieri që arrin të “joshë” klasën politike shqiptare të radhës në pushtet.
Kështu ka ndodhur dhe me industrinë e naftës në Shqipëri. E cila ra në dorë të Sali Berishës dhe menjëherë e privatizoi, duke e lënë në dorën e një aventurieri dhe mashtruesi si Rezar Taçi që bleu ARMON dhe dështoi Alpetrol, duke e zhytur industrinë e naftës në Shqipëri në faliment. Dhe kjo vetëm e vetëm se Rezar Taçi pati aftësinë ti gjente ish kryeministrit Sali Berisha “telat” përmes financimit të fondacionit të bashkëshortes së tij Liri Berisha. Kuptohet me paratë e shqiptarëve, pasurinë e naftës. Gjithkush i mban mend ato ballot e organizuara nga Liri Berisha dhe familja kryeministrore, ku katunaria ngrihej, vishej dhe pispillosej dhe fillonte e blinte dhe piktura për “bamirësi”. Një pikturë demode ndonëse i kishin vënë çmim fillestar 700 euro, nuk vlente as 70 euro, shitej deri në 100 mijë euro. Dhe e dini kush i blinte? Rezar Taçi, biznesmeni i familjes Berisha siç thonin dhe italianët. Ndërkohë që Liri Berisha vetëm për këto kontribute blerjesh të pikturave, në një eveniment ka mbledhur rreth 2 milionë dollarë për fondacionin që drejton dhe aktualisht dhe një rrjet tërësisht jotransparent për të ndihmuar fëmijët autistë. Klinikat e saj janë me pagesë kundrejt klientëve, ndërsa ajo mbledh fonde për bamirësi që nuk dihet ku shkojnë. Po ashtu ajo ka përdorur pushtetin e burrit të saj për të lënë pas dore qendrën shteterore të autizimit dhe lulëzon biznesin e saj privat. Atëherë pse bëhen këto financime të biznesmenëve kur klinikat i ka me pagesë. Por le të kthehemi sërish tek njeriu që masakroi naftën në Shqipëri Rezar Taçi. Eshtë shumë e habitshme që një njeri, që ka punuar në Itali si kamerier picash, për pak vite rikthehet si miliarder. Por një pasurim i tillë i shpejtë ka një përgjigje, Taçi ka qënë dhe është mik i ish kryeministrit Sali Berisha, njeriu që i ka dhuruar atij një pasuri të madhe në vend, ndërmarrjen shtetërore të naftës, dhe i ka lënë rrugë të lirë në tregtimin e naftës.
Nga kamerier në piceri, te monopoli i naftës në Shqipëri, sigurisht që pas gjithçkaje është Berisha, i cili, vetëm dy muaj përpara zgjedhjeve të përgjithshme të vitit 2005 e kishte akuzuar atë për kontrabandë nafte. Pikërisht Sali Berisha është arsyeja e vetme për këtë ngjitje të rrufeshme të kamerierit të picave, i cili në Itali qëndronte gjithë ditën në majë të motorit për të shpërndarë pica dhe për të përfituar bakshishe, ndërsa nën qeverisjn e Berishës u kthye në njeriun më të pasur në Shqipëri.
Pavarësisht se në anën tjetër paratë i derdhte tek familja Berisha, herë në formë donacionesh për fondacionin e Liri Berishës, herë duke sponsorizuar udhëtime jashtë vendit. Dhe teksa industria e naftës ishte në ditët më të këqija nga këto i shpërdorime, Rezar Taçi zhytej e zhytej në borxhe duke rrezikuar të merrte me vete dhe një klub italian, një bankë shqiptare e duke shkaktuar dëm zinxhir, jo vetëm te ARMO, por dhe të tjera ndërmarrje si “Albpetrol” e “Bankers”. Pasi pas atij që quhej konsorcium amerikan të cilin Berisha e trumbetoi me të madhe si një sukses i jashtëzakonshëm, dhe që do të blinte ARMO-n, ishte thjesht një investitor shqiptar Rezar Taçi. Por që ishte akuzuar hapur nga ish kryeministri shqiptar në kohën kur ishte në opozitë, se bënte kontrabandë. I pyetur se ku do i gjente paratë për programin e tij, kur të vinte në pushtet në vitin 2005, Berisha opozitar deklaroi se do ia merrte korrupsionit dhe kontrabandës që bën Taçi. Pak vite më vonë, i pyetur nëse ai i qëndron këtyre deklaratave, Berisha në mënyrën më të paturpshme tha se nuk kishte thënë Taçi, por Caci.
Ndërkohë që lekët e privatizimit nuk u derdhën menjëherë në arkën e shtetit, një lëshim ky nga ana e Berishës, ndërkohë që vetë Taçi për të bërë sa më shpejt paratë, fillon të vjedhë dhe të shpërdorojë me sa mundet pasurinë që kishte marrë me të padrejtë. Ish kryeministri Sali Berisha i vjen në ndihmë duke i dhënë atij me një vendim qeverie të gjithë tregun e naftës D1, e cila përbën rreth 70 për qind të konsumit në tregun vendas. Sërish njeriu piramidë nuk arrin të mbledhë paratë dhe bën sërish kontrabandë, ashtu siç e kishte akuzuar më parë Berisha. Por, duke përdorur mediet që kishte blerë, ai mundohet që shpesh ta paraqesë atë si një betejë që po bën pushteti me të. Kështu rregullon punët dhe me krahun tjetër politik.
Në fushatë shfaqet hapur duke ndihmuar LSI-në e Ilir Metës, duke u bërë makineria e tij e karburantit. Teksa për të treguar se është i fortë financiarisht ai herë deklaronte se do të blinte klubin e Milanit, e herë ndonjë klub tjetër italian, megjithëse katër milionë euro i derdhi thjeshtë për të pasur në koridoret e Milanelos logon e kompanisë së tij.
Mediat italiane e akuzuan fort në atë kohë Taçin si një piramidë mashtruese që mbështetej nga kryeministri i asaj kohe Sali Berisha, pasi ishte biznesmeni i familjes. Duke përdorur bashkëshorten e kryeministrit, Liri Berishën. Deviza përfundimtare e këtij mashtruesi është ajo që japin mediat e asaj kohe: Rezart Taçi është Berisha ose më mirë, sistemi që ai dhe familja e tij kanë ngritur. /Pamfleti.com
