Ish-i dërguari special i SHBA për dialogun Kosovë – Serbi, Richard Grenell, ka marrë kërcënime nga shqiptarët në rrjetet sociale, pasi uroi serbët për “Vidovdanin”, një ditë përkujtimore për serbët e rënë në betejën e Kosovës ndaj forcave osmane.
Një shqiptar i ka shkruar në Instagram Grenellit duke i thënë se nëse vjen në Shqipëri, do t’i presin kokën.
“Nëse vjen në Shqipëri, do të ta presim kokën. Jemi të gjithë duke të pritur. Mos harro. Mbaje mend këtë”, shkruan qytetari me emrin Bekim Xhika.
Mesazhin e ka postuar vetë Grenell në Instagram, duke shkruar se ky mesazh nuk përfaqëson shqiptarët dhe karakterin e tyre.
