Rrufeja godet tre persona në arë, në fshatin Sukë në Dajç të Shkodrës, të cilët ishin duke punuar tokën në momentin që u goditën nga rrufeja ditën e sotme. Ka ndërruar jetë një nga personat e plagosur nga rrufeja, Veronika Luka 53-vjeçe, banuese në fshatin Sukaj, për shkak të djegieve të shumta që ka marrë në disa pjesë të trupit të cilat i kanë shkaktuar edhe vdekjen.
Pamjet nga ngjarja tragjike në Shkodër/ Bie rrufeja, një i vdekur dhe dy të plagosur
Mësohet se tre personat ishin duke punuar tokën në momentin kur rrufeja ka goditur në një karrocë, e cila ndodhej fare pranë tyre. Në pamje shihet edhe zjarri i shkaktuar në shkarkimi i elektricitetit të shkarkuar nga rrufeja. Ndërkohë të lënduarit janë transportuar menjëherë në spitalin e Rajonal të Shkodrës, ndërsa gruaja humbi jetën rrugës për në spital dhe trupi i saj u dërgua në morgun e spitalit të Shkodrës.
Dy të tjerët N.V. rreth 60-vjeç, dhe C. L. rreth 50-vjeç, janë dërguar në Spitalin Rajonal të Shkodrës për të marrë ndihmën e parë mjekësore. Ndërkohë zbulohet identiteti i njërit prej të plagosurve, Ndoc Vija.
Informacion paraprak
Me datë 17.07.2018 rreth orës 14:30, është marrë njoftim se në fshatin Sukaj-Dajç, në Shkodër, një rrufe ka goditur një traktor në një arë, në të cilin ishin 3 shtetas duke punuar tokën me të.
Për pasojë ka ndërruar jetë shtetasja V. L. 53 vjeçe banuese në fshatin Sukaj, si dhe kanë marrë lëndime shtetasit N.V. rreth 60 vjeç, dhe C. L. rreth 50 vjeç, të cilët po dërgohen në Spitalin Rajonal Shkodër për ndihmën e nevojshme mjekësore.
