Ryanair, linja ajrore e vetme me tarifa të ulëta në Shqipëri, sot (e mërkurë, 1 prill) festoi hapjen e bazës së saj të re me 4 avionë (investim 400 milionë USD) në Tiranë, të martën, më 31 mars. Në sezonin veror 2026 (S2026), Ryanair do të operojë 44 linja dhe do të realizojë një rritje rekord të trafikut me 50%, duke arritur në 4 milionë pasagjerë në Tiranë. Kjo rritje është rezultat i drejtpërdrejtë i politikës pro-rritje me taksa zero për aviacionin nga Qeveria Shqiptare dhe skemave stimuluese për rritje të Aeroportit të Tiranës, të cilat e inkurajuan Ryanair të hapë 21 linja të reja këtë verë, duke mbështetur mbi 3,000 vende pune, përfshirë 120 vende të reja pune me paga të larta për pilotë, inxhinierë dhe staf kabine të Ryanair, të gjithë të bazuar në Tiranë.
Progami i Ryanair për Tiranën në S26 do të ofrojë:
• 4 avionë të bazuar – investim 400 milionë USD
• 44 linja, 21 të reja përfshirë Alghero, Dublin, Eindhoven, Genoa, Malta, Milano & Napoli
• Rritje trafiku në 4 milionë pasagjerë në vit (mbi 50%)
• Mbështetje për mbi 3,000 vende pune në Shqipëri
• Zgjedhje të pakonkurrueshme me tarifa të ulëta për qytetarët/vizitorët
Shqipëria është tregu i aviacionit me rritjen më të shpejtë në Evropë, me Aeroportin Ndërkombëtar të Tiranës ndër aeroportet më të rikuperuara në Evropë pas Covid-it. Gjatë 5 viteve të ardhshme, Ryanair do të vazhdojë këtë investim, duke bazuar deri në 6 avionë B737 (investim 600 milionë USD) në Tiranë, duke u rritur në mbi 6 milionë pasagjerë në vit dhe duke operuar mbi 60 linja deri në vitin 2030, me kusht që Qeveria Shqiptare të vazhdojë politikën e saj pro-rritje në aviacion dhe Aeroporti i Tiranës të vazhdojë iniciativat e tij me kosto të ulëta për të nxitur më tej rritjen e trafikut dhe turizmit.
Për të festuar hapjen e bazës së re me 4 avionë në Tiranë dhe 21 linjat e reja për verën 2026, Ryanair ka lançuar një ofertë 3-ditore biletash me çmime që nisin nga vetëm 21.99€, të disponueshme për rezervim tani përmes aplikacionit Ryanair.
21 linja të reja S26
Alghero
Genoa
Parma
Baden-Baden
Katowice
Pescara
Birmingham
Liverpool
Poznan
Bratislava
Malta
Trieste
Dublin
Memmingen
Turin
Eindhoven
Milano M
Verona
Gdansk
Napoli
Wroclaw
Drejtori Ekzekutiv i Ryanair, Michael O’Leary, tha:
“Si linja e vetme ajrore me tarifa të ulëta në Shqipëri, Ryanair është e kënaqur të festojë hapjen e bazës së saj me 4 avionë në Tiranë dje, duke sjellë një rritje rekord të trafikut prej mbi 50% në 4 milionë pasagjerë në vitin 2026. E mundësuar nga politika pro-rritje e aviacionit në Shqipëri dhe kostot e ulëta të Aeroportit të Tiranës, kjo rritje rekord në 2026 do të ofrojë 44 linja dhe 4 milionë pasagjerë.
Shqipëria është tregu i aviacionit me rritjen më të shpejtë në Evropë dhe Ryanair do të vazhdojë të investojë në Shqipëri, duke rritur trafikun në mbi 6 milionë pasagjerë dhe duke bazuar deri në 6 avionë (investim 600 milionë USD) deri në vitin 2030, me kusht që Qeveria Shqiptare të vazhdojë politikën aktuale pro-rritje dhe me taksa zero për aviacionin dhe Aeroporti i Tiranës të ruajë stimujt e tij për rritje.”
Shefi i Operacioneve të Aeroportit të Tiranës, z. Piervittorio Farabbi, tha:
“Që nga fillimi i operimeve në tetor 2023, Ryanair na ka sfiduar vazhdimisht të rrisim standardet dhe të ofrojmë ekselencë të vërtetë operacionale. Së bashku me stafin e TIA-s të cilët i janë përgjigjur kësaj sfide, jo vetëm që realizuam kapacitetet terminale dhe ato në pistë në kohë rekord, duke përfunduar një plan investimi prej 120 milionë eurosh që adreson të gjitha infrastrukturat kryesore të aeroportit, por ishim gjithashtu të gatshëm të evoluonim dhe të përshtatnim praktikat tona më të mira operacionale sipas nevojave të një linje ajrore moderne, duke u fokusuar në efikasitet, kohët e kthimit dhe performancën.
Hapja e kësaj baze nuk është vetëm një moment i rëndësishëm për bashkëpunimin tonë, por edhe një reflektim i progresit që ka bërë TIA: Ryanair ka njohur se ne mund të kontribuojmë në mënyrë efektive në modelin e saj të biznesit dhe, për këtë arsye, ka angazhuar burime shtesë në këtë partneritet.
Jemi krenarë të mbështesim rritjen e Ryanair në Shqipëri, duke kontribuar së bashku në rritjen e lidhshmërisë, mundësi të reja për turizmin dhe krijimin e vendeve të punës në vend. Presim me padurim të zhvillojmë më tej këtë partneritet dhe të vazhdojmë të rritemi së bashku në vitet në vijim.”
