Këngëtari Sabian Medini, babai i modeles Kejsi Medini, e cila është konkurrente në “Big Brother VIP”, ka publikuar disa mesazhe të Krist Aliajt me të dashurën e tij.
Përmes një statusi në rrjetet sociale, Sabiani shkruan se Kristi po luan me dy porta dhe se nuk sheh ndjenja në raportin e Kristit me vajzën e tij.
“Më kanë ardhur mesazhe pafund, kritika dhe shumë njerëz të cilët presin një reagim nga unë. Për Kejsin nuk jam ai babai tipik shqiptar, përkundrazi më ka pas shok, mbështetje dhe jam përkrahja e saj më e madhe. Por janë disa gjëra që nuk i pranoj!
Si fillim nuk lejoj askënd të përfitoj nga naiviteti dhe ta shfrytëzoj rastin për shoë. Së dyti nuk jam kundër dashurisë ama kjo që po shoh s’ka lidhje fare me ndjenjat. Dhe së fundmi nuk mund të dali një çapaçul, që nuk di pse është futur aty brenda e të luaj me disa porta.
Nuk di të justifikojë as veten”, shkruan Sabiani, ku një njërën nga “stroy”-t ka publikuar edhe mesazhet e të dashurës së Kristit, pak para se ai të bëhej pjesë e “Big Brother VIP”.
