Departamenti Amerikan i Shtetit njoftoi të premten një shpërblim prej 10 milionë dollarësh për informacion në lidhje me vendndodhjen e udhëheqësit të ri suprem të Iranit, Mojtaba Khamenei.
Programi i ‘Shpërblimeve për Drejtësi’ i Departamentit vendosi një shpërblim për 10 nga udhëheqësit më të lartë të mbetur të Iranit, përfshirë Khamenein dhe Ali Larijani, sekretarin e Këshillit Suprem të Sigurisë Kombëtare të Iranit dhe zyrtarin më të lartë të sigurisë së vendit.
“Këta individë komandojnë dhe drejtojnë elementë të ndryshëm të Korpusit të Gardës Revolucionare Islamike të Iranit, i cili planifikon, organizon dhe ekzekuton terrorizëm në të gjithë botën”, deklaroi Departamenti.
Programi ‘Shpërblime për Drejtësi’ ka ofruar më parë shpërblime për terroristë si ish-udhëheqësit e al-Kaedës, Osama bin Laden dhe Ayman al-Zawahiri. Presidenti sirian Ahmed al-Sharaa ishte subjekt i një shpërblimi prej 10 milionë dollarësh sipas programit deri në ndryshimin e vendimit në vitin 2024.
Pesë nga personat e emëruar të premten janë të listuar sipas titujve të tyre, pa emër apo fotografi, duke përfshirë “sekretarin e këshillit të mbrojtjes” dhe “komandantin e IRGC-së”.
Shtetet e Bashkuara dhe Izraeli kanë vrarë shumë nga udhëheqësit më të lartë të Iranit, përfshirë ish-komandantin e IRGC-së, Mohammad Pakpour, dhe Ajatollah Ali Khamenei-n, ish-udhëheqësin suprem dhe babain e Mojtabas.
Midis zyrtarëve për të cilët SHBA-të po kërkojnë informacione, përveç Udhëheqësit Suprem Mojtaba Khamenei, janë:
– Ministri i Inteligjencës, Esmail Khatib,
– Zëvendës Shefi i Shtabit të Përgjithshëm, Ali Asghar Hejazi
– Gjeneral Major, Yahya Rahim Safavi
– Gjeneral Brigade, Eskandar Momeni
– Sekretari i Këshillit Suprem, Ali Larijani
