Ai është një ndër deputetët që të bën të qeshësh më së shumti teksa flet në podiumin e Kuvendit. Vjen nga radhët e PD-së dhe që në fushatë kishte thagma që të bënin të gajasesh së qeshuri, larg çdo realiteti.
Ai është Klevis Balliu, i cili ka probleme të rënda me shkrimin dhe këndimin e gjuhës shqipe. Sot në Kuvend, teksa bënte thirrje për pjesëmarrje në protestë, nuk thoshte “Gjendet” por ‘gjehet’. Kjo ishte një nga gafat e panumërta dhe fjalitë pa asnjë koherencë të tijat, sot përpara shqiptarëve.
Mirëpo, pjesa më e bukur ku jo vetëm publikisht bënte për budallenj shqiptarët, por s’kuptohet si ja nxë goja ta thotë, ishte kur trajtoi të atin, Fahriun, si njeri antikomunist që kishte rrëzuar sistemin si i ri dhjetorist në vitet 1990.
Klevisi ju bëri thirrje të rinjve: “të ngrihemi siç u ngritën baballarët tanë kundër regjimit komunist”.
Por a e di Klevisi, se i ati, Fahriu, ka dalë nga radhët e gazetarëve të besuar të Zërit të Popullit, gazetë që ishte zëri i Partisë komuniste Shqiptare./Lexo.al
