Blendi Fevziu dhe analisti Baton Haxhiu debatuan mbrëmjen e djeshme në lidhje me situatën e krijuar në Partinë Demokratike pas humbjes së zgjedhjeve të pjesshme të 6 marsit.
Haxhiu tha se Basha “u vra” si lider dhe përmendi disa emra, mes të cilëve edhe Fevziun.
Por ky i fundit reagoi dhe nuk pranoi këtë deklaratë, duke thënë se për të mbrojtur Bashën ka shkelur edhe etikën profesionale.
Aleksandër Frangaj: Kush është lideri?
Baton Haxhiu: Jo s’ka lider Partia Demokratike.
Blendi Fevziu: Si s’ka?
Baton Haxhiu: E “vranë”.
Aleksandër Frangaj: A është Luli?
Blendi Fevziu: Kush e vrau Baton?
Baton Haxhiu: Të gjithë. Ti, Shkullaku, Fevzo, Sali Berisha, Edi Rama.
Blendi Fevziu: Baton, ti s’ke këtë të drejtë dhe s’mund të ma thuash mua, sepse unë, dhe po ta them sot, ka pasur momente që kam shkelur etikën time profesionale për të mbrojtur Lulzim Bashën deri më 25 Prill. Dhe ty s’të takon të ma thuash këtë mua dhe s’ke të drejtë të ma thuash. Pas 9 Shtatorit nuk e kam bërë.
Pas 9 Shtatorit kam pasur emision. Unë në datë 27 Prill kam dalë publikisht kam thënë se Lulzim Basha në bazë të rregullave të demokracisë duhet të japë dorëheqjen.
E kam thënë Preç këtu? Gjithmonë ku ka qenë i kam qëndruar kësaj teze. Pas datës 9 ke ardhur ti qe e ke mbrojtur, ai që e ka sulmuar është bërë emision normal. Se këtë nuk mund ta thuash sepse të jap shembuj sa të duash dhe nuk po hyj në shembuj më konkret. Ty s’të takon kjo.
Baton Haxhiu: Po pse?
Blendi Fevziu: Jo s’mund të ma thuash mua, sepse unë kam vendosur këtu në fakt ky ka vendosur të heqi sondazhe që tregonin se si do të ishte rezultati i zgjedhjeve për të favorizuar opozitën. Jo pra rri tani sepse këtë nuk mund ta thuash.
Baton Haxhiu: Po pse?
Blendi Fevziu: Sepse ta dhashë shembull konkret. Një shembull konkret. Jo s’mund ta thotë këtë. Nuk mund të vish e të lëshosh fjalë si të duash. Sepse po ta them edhe një herë në këtë studio kanë qenë gjithmonë palët të barabartë. Nuk ka qenë ndonjëherë njëri më shumë se tjetri. Fjalën e kanë pasur të gjithë. Po të them edhe një herë ti nuk mund ta thuash këtë.
