Kuvendi ka mbyllur zyrtarisht punimet e seancave dhe të komisioneve, duke e shpallur këtë edhe publikisht. Ndërkaq, në lidhje me komisionin e mandateve, për shqyrtimin e kërkesë së SPAK për Ballukun, kjo u bë e ditur që atë ditë se si do të jetë qëndrimi.
Ndëtkaq sot, një grup deputetësh të PD me Gaz Bardhin në krye, kanë bërë një show me kronistët e Kuvendit, duke bërë sikur hapnin zyrat dhe jepnin deklarata publike.
Nuk është asnjë gjë e keqe që deputetët të bëjnë Konferenca nga Kuvendi, e të japin intervista, por nuk kanë pse shpikin shfaqe pa sens. Nëse ata kanë një ide dhe mendim në këto ditë kur nuk ka lajme, mund ta shfrytëzojnë fare mirë protagonizmin dhe kërkesën e mediave për të mbushur edicionet.
Por duket se gjëja më e mir që dinë të bëjnë është të shpikin nganjë zhvillim fiks si rasti i Babales. Ku shumë mirë mund të flitet për buxhetin, për kritikat e FMN ndaj qeverisë, rritjen e çmimeve për fund viti, problemet e motit apo çështje të tjera.
Kryetari i grupit parlamentar demokrat, Gazment Bardhi, tha se socialistët po përpiqen të pengojnë drejtësinë për të luftuar korrupsionin, duke mos lejuar mbledhjen e Këshillit të Mandateve për të shqyrtuar kërkesën e SPAK për heqjen e imunitetit të Belinda Ballukut.
“Ta harrojnë. Nuk ka për të ndodhur. Belinda Balluku mund ta hajë Vitin e Ri në shtëpi, por ju siguroj që nuk do t’i shtyjë ditët dhe do të përfundojë në burg. Nuk mund t’u vjedhësh shqiptarëve, në një vend në mes të Europës, por që është më i varfri në Europë, 1.1 miliardë euro dhe pastaj ta shndërrosh institucionin në bunker që mbron korrupsionin e këtyre”, tha Bardhi, përcjell A2 CNN.
I pyetur kur do ta kërkojë opozita mbledhjen e radhës, Bardhi tha: “Në fillim të javës që vjen. Absolutisht, të pesë anëtarët e opozitës në Këshillin e Mandateve janë 24 orë në 24 në dispozicion të këtij procesi. Ne besojmë që pranimi i kërkesës së prokurorisë është detyrim përcaktim ndaj deputetëve të Kuvendit të Shqipërisë. Ne nuk kemi marrë mandat për të mbrojtur korrupsionin e Edi Ramës, Belinda Ballukut dhe Ergys Gasit. Ne kemi marrë mandat nga qytetarët për ta luftuar korrupsionin”.
