Një çift bashkëshortësh biznesmenë pritet të thirren për të dëshmuar në Prokurorinë e Posaçme në kuadër të hetimit pasuror ndaj kryebashkiakut Erion Veliaj dhe familjarëve të tij. Elman Abule dhe Marisa Nito do të pyeten lidhur me marrëdhënien financiare që kanë pasur me Ajola Xoxen dhe kryetarin e Bashkisë Tiranë, Erion Veliaj.
Abule dhe Nito, konsiderohen miq të afërm të familjes Veliaj, ndaj dhe pak ditë më parë me kërkesë të SPAK, gjykata miratoi kontrollin në banesën dhe biznesin e tyre, sipas Elton Qynos.
Gazetari ka bërë po ashtu me dije, se përmes sistemit TIMS, SPAK ka siguruar prova që faktojnë udhëtime të përbashkëta mes çiftit Abule dhe Xoxe në disa vende të Evropës.
Ndërkohë sipas raportimeve, çifti Abule ka bërë disa transferta parash në adresë të llogarive bankare të Ajola Xoxes.
Dyshohet se nga marrëdhënia miqësore e tyre, Abule ka përfituar leje ndërtimi në Tiranë, ku e fundit ka qenë në zonën e “Kombinatit”. Kjo leje ndërtimi nuk është vënë në zbatim, për shkak se dy pronarët e truallit kanë revokuar kontratat e sipërmarrjes me kompaninë e Elman Abules, për shkak të të kaluarës së tij si i dënuar për vjedhje në Belgjikë.
Paraqitja e dy personave të sipërpërmendur vjen në një kohë që SPAK ka instensifikuar hetimet mbi kryebashkiuakun dhe familjen e tij. Një ditë më parë, kryebashkiaku i Tiranës, Erion Veliaj, është paraqitur në ambientet e Prokurorisë së Posaçme, i shoqëruar nga drejtori juridik i bashkisë së Tiranës, Alban Dokushi. Veliaj ka dëshmuar në SPAK për më shumë se 5 orë.
Mëngjesin e 6 dhjetorit me urdhër të Gjykatës së Posaçme kundër Korrupsionit dhe Krimit të Organizuar, oficerët e policisë gjyqësore ushtruan kontrolle në zyrat e kompanisë së bashkëshortes së kryebashkiakut të Tiranës Erion Veliaj, ndërsa më parë i kishin sekuestruar dhe telefonin celular.
Kontrolle u ushtruan dhe në banesën e vëllait të Veliajt. Ndaj Veliajt ka nisur një hetim pasuror por i çuditshëm është fajkti i kallzimit me letër anonime nga një person inekzistent dhe hetimet për mardhëneve mes miqëve dhe shokë që nga udhëtimet e përbashkëta e deri tek mardhënie financiare mes njëri tjetrit. Një politikan nuk ështue anëtar i SPAK por qyetetarë si gjithë të tjerët dhe asnjë bandë që merr atributet e drejtësisë nuk ka të drejtë të ndërhyjë në mardhëniet familjare.
