Zëdhënësja e Qeverisë, Elisa Spiropali ka reaguar pas deklaratave të Presidentit Meta, duke thënë se ai ka humbur të drejtën për të qëndruar në zyrën e kreut të shtetit.
Në një mesazh në Twitter, ministrja për marrëdhëniet me Parlamentin ka thënë se Presidenti i takon Republikës dhe jo Lulit dhe Monikës.
“Zoti Meta, jemi dakord me ju ‘Shqipëria është Republikë. Presidenti i takon Republikës dhe Republika u takon qytetarëve!’.
Pikërisht për sa jemi dakord këtu, ju e keni humbur të drejtën të qëndroni në zyrën e Presidentit. Sepse Presidenti i takon Republikës jo Lulit dhe Monikës”, thekson Spiropali.
