Kryeministri Edi Rama mori fjalën në Kuvend pasi deputetët e Partisë Demokratike braktisën sallën e Kuvendit. Ai komentoi shprehjen e kreut të Grupit të PD-së, Edmond Spaho se “nuk kishte integrim pa Saimir Tahirin në burg”.
Kjo shprehje sipas kryeministrit, nuk është gjë tjetër veçse baltë e eksportuar nga demokratët në Bundestag.
“Na paska thënë Gjermania s’ka të ardhme pa Shqipërinë, po nuk hyri Tahiri në burg, kështu tha profesori. Në Bundesatag dëgjova në gjermanisht ato që kemi dëgjuar këtu për 4 vjet sepse është normale për një grup parlamentarësh, është shumë e vështirë të arrin në atë nivel kuptimi që duhet të ketë një i huaj kur ndeshet me baltën e eksportuar nga Tirana.
Është shumë e vështirë duke qene grusht miqsh që ta kuptojnë se këta janë baba e rrenës dhe nona e shpifjes. E vërteta në fund është që në asnjë rast dhe pa asnjë arsye një vend anëtar si Gjermania nuk mund të jetë kurrë një burim budallallëqesh siç është kjo opozitë e përfaqësuar sot nga profesori. Ne morëm rekomandim pozitiv për të çelur negociatat pa kushte”,- tha Rama.
