Nga Besi Bekteshi
Kanë disa muaj që Sali Berisha dhe Ilir Meta ashpërsojnë gjuhën e forcës. Kërcënimi dhe gjuha urrejtjes janë për Ramën dhe pushtetin e tij! Si Berisha dhe tani Meta bëjnë agresivët dhe trimin me Ramën. ]
Bëjnë të fortin dhe trimin malësor. Meta bën dhe djalin “tirons” dhe tregon frikacakun Rama me gisht! Kërcënojnë Ramën dhe i demonstrojnë “atij” se janë burra kur ai nuk është burrë! Berisha dhe Meta demonstrojnë dhe thonë se janë të “ndershëm” kur Rama frikacaku nuk është! Se janë për popullin kur Rama frikacaku përpara trimit Berisha dhe Meta nuk është.
Demonstrojnë se janë malësorë 1000 metra kur Rama është më pak se ka lindur në Tiranë. Deklamojnë origjinarin trim malësor njëri nga Viçidoli dhe tjetri nga Çepani si dy vende “arjaniteti” ose virgjiniteti trimash dhe sublimitet shqiptaro politikano suksesi me pastërti figure dhe ndershmëri qeverisje kur kanë qenë Kryeministra dhe Presidentë të dy!
Gati, gati duket sikur Shqipëria e gjitha Mic Sokolët, Vojo Kushët dhe Bac Bajramët i ka vetëm nga Viçidoli dhe Çepani! Po gjë që një si Rama nuk mund ti ketë se nuk është i fisëm si këta të dy!!
Se vetëm Berisha dhe Meta janë ndershmëria politike dhe trimëria burrnia e Shqipërisë dhe Rama sigurisht paburrnia dhe jo ndershmëria se ka lindur në qytet! Në fakt si Berisha dhe Meta gabohen me origjinën jo malësore të Ramës!
Gabohen se kujtojnë se Rama nuk ka origjinë mbi 1000 metra. Biles gabojnë dhe me gjatësinë e tij se kujtojnë ose duan të thonë nuk është malësore!! Ngatërrohen pak. Nuk kanë parasysh as malet mes Mirditës, Verilindjes dhe Malësisë së Shkodrës por dhe malësisë së jugut mbi det.Edhe Rama atë origjinë ka.
E të gjitha kërcënimet nuk janë për të. Berisha dhe Meta e dinë se Rama as që i plas për marrëzitë e forcës së deklamuar sot. E dinë se ka mekanizmat, njerëzit, paratë, ndërkombëtarët, konjukturat dhe infrastrukturën për të mos e çarë as për njërin as për tjetrin.
Po pse bërtasin pra?Ata janë pothuaj si fëmijët në errësirë. Si Beni Ecën vetë në pyll me këngën “paaartizani n’luftë po shkonteee”! Rama dhe i gjithë konkubinati tij politik nuk pyesin për trimat Sali e Ilir sepse sot janë shumë herë më të pasur dhe pushtetshëm se dy trimat mbi 1000 metra!!
Berisha dhe Metaj bëjnë trimin vetëm për një arsye!!! Të mbajnë në tonus epileptik politik të gjithë rrondokopët që e hanë trimërinë e tyre burrnore mbi 1000 metra. Ta hajë kush ta hajë dhe në Shqipëri ka plot që Berishën dhe Metën i dinë dhe “nderojnë” për…trima!!
Po po…njëri prej tyre biles është dhe artist. Po dhe njërit i rrahu shpatullat kur hodhi Gërdecin në erë kurse tjetrin e bëri President pse kur protestoi për të sot miku i tij por dje kryeministri 21 janarit si trim për hatër të trimit të floririt dhe 700 mijë dollarëve vrau 4 në bulevard.
Po si dreqin nuk janë trima këta?? Mund të kenë dhe njerëz që vdesin nga dashuria dhe respekti për “trimat” në Shqipërinë e post trimit Enver! Po po ata janë dhe më trima secili. Pse? Po se në Shqipërinë 1990-2022 kanë vdekur, mbytur, janë vrarë dhe janë plagosur për “demokraci” më shumë se për “komunizëm” nga 1945-1990! Dakord!
