Aksioni qeshrak këmbësorët më “zi” se ishin!! Hapësirat publike liruar vetëm për zogjtë që fluturojnë.
Tashmë, kur aksioni promovohet si një sukses, në fakt është katrahur urbane. Pavarësisht se ishin zënë sipas qeverisë hapsira publike, të pakten njerëzit kishin një strehë nëse dëshironi sadopak relaks në mëngjez apo në mbrëmje, problem e kishin vetëm zogjtë, që nuk mund të fluturonin lirshëm ulët.
Tani, zogjtê janë të lumtur, madje kanë mundësi të fusin sqepin edhe në filxhan të çajt e pse jo të pinë kafe bashkë me ty, kurse ambientet publike të zëna jo që nuk janë liruar, por janë shtuar, sepse ligji i lejon mjafton që të mos jenë nën “çati”.
Kjo siç duket është filozofiia e re e bashkiakeve të reja që i emëron Rama, në emër të Këshillit Bashkiak me sloganin… lironi ajrin që të gëzojnë zogjtë, që të shtohen karriget dhe tavolinat dhe të mbushim arkën bashkisë me taksat e shtuara.
Pra, zoti Rama mjaft u mburre se “shpëtimtar”… i shpendëve, duke na e shitur si aset të munguar lirimin e trotuareve, kur asnjë ambient këmbësorësh nuk është liruar, apo ndoshta edhe kjo është pjesë e humorit të zi, për të akuzuar Veliajn, duke i gjetur një tjetër vepër të dënueshme si kryebashkiak, apo për të na kujtuar se Edi Rama është shpëtimtarii Tiranës.
Në fakt u desh dora jote që zogjve tu lirohej ajri dhe njerëzve të ngatërrohen këmbët nëpër karrige dhe tavolina, si një labirinth i panjohur, i sapo krijuar ng fantazitë tuaja, në emër të kthimit të ligjshmërisë së mbrojtjes urbane…ajrore. /Ekskluzive.al
