Presidenti Ilir Meta ka përmendur sot nga SHBA “Kutinë e Pandorës”. Ai iu referua idesë për ndryshimin e mes Serbisë e Kosovës, ku tha mes të tjerash: “Mendoj se propozimi më i fundit për të hapur një debat të ri mbi atë çfarë do të përbënte një marrëveshje përfundimtare për normalizimin e marrëdhënieve mes Kosovës dhe Serbisë është kohë e çuar dëm, në kuptimin më të mirë të fjalës, si dhe do të përbënte çelësin e hapjes së Kutisë së Pandorës, në kuptimin më të keq të saj”.
Kutia e Pandorës është një mit nga Mitologjia Greke. Sipas mitologjisë Greke thuhet se kur u bë hapja e kutisë së Pandorës të gjithë të keqijat dolën nga kutia në këtë botë. Kjo kuti ishte një dhuratë e Zeusit për Pandorën e cila ishte e martuar me Titanin Epimete. Kutia nuk duhej të hapej, por Pandora nga kureshtja e saj e tepërt e hapi atë. Dhe që nga ajo kohë shumë te këqija erdhën mbi botën. Para se te hapej kutia, njerëzimi nuk njihte të keqen, lodhjen dhe sëmundjet, dhe njerëzit si edhe zotërat mbi të gjitha ishin të pavdekshëm. Por para se Elpisi të dalë nga kutia, ajo u mbyll përsëri. Kështu për një kohë bota u bë një vend i pamëshirshëm, derisa Pandora hapi përsëri kutinë dhe në botë doli edhe Elpisi/Shpresa. Në ditëte e sotme hapja e “kutisë së Pandorës” është sinonim për një gjë shumë të ndërlikuar dhe një gjë që sjell fatkeqësi/kob.
Politikanët shqiptarë, të cilët mbajnë rekord si servilë të politikës së huaj nuk kanë asgjë në dorë. Projektet e tyre nuk kanë ndonjë peshë dhe dihet botërisht se politika amerikane vendos për fatin e tyre, të Kosovës por edhe të shqiptarëve në përgjithësi. Sot e kësaj dite këta politikanë janë figura tragjikomike, të cilët ende po i shkaktojnë vuajtje këtij populli, sepse janë verbëruar nga interesat e tyre, dhe nuk e kanë “rruajtur” ndonjëherë për popullin.
Ilir Meta në fakt e ka të hapur “Kutinë e Pandorës” që kur hyri në politikë. Si “gjind” së bashku me shokët e “dorës së tij” në politikë u kthyen në kancer të shqiptarëve. Ndaj është koha që të mbyllet “Kutia e Pandorës” për të pastruar llumin korruptiv brenda kastës politike. “Ujku” i politikës duhet të shkojë drejt rrënimi përfundimtar. Shkërmoqja ka nisur dhe këtë herë duket se s’ka shpëtim për Ilir Metën me shokë.
Dhe po si Pandora bëri, të hapet përsëri “kutia” e të lemë të dalë në këtë vend shpresa, sepse më në mënxyrë se n’a kanë zhytur s’ka ku të shkojë më!/ Pamfleti
