Një moment i papritur, por plot energji, ka surprizuar publikun gjatë një prej shfaqjeve të Jennifer Lopez në Las Vegas. Këtë herë, vëmendja nuk ishte vetëm te ylli botëror, por te nëna e saj 80-vjeçare, Guadalupe Rodríguez, e cila u shfaq me një performancë spontane dhe entuziazëm që rrallë shihet edhe te artistë shumë më të rinj.
E ulur mes publikut, Guadalupe nuk u mjaftua vetëm duke ndjekur koncertin, por u ngrit në këmbë, kërceu dhe reagoi me energji, duke fituar duartrokitjet e të pranishmëve dhe duke u kthyer menjëherë në sensacion në rrjetet sociale.
Pamjet e saj u shpërndanë me shpejtësi, ndërsa komentuesit e kanë cilësuar si një shembull frymëzues, duke theksuar se mosha është vetëm një numër kur energjia dhe gëzimi për jetën janë të pranishme.
Ky moment i veçantë vjen pak ditë pasi Jennifer Lopez festoi 80-vjetorin e nënës së saj në Las Vegas, me një festë luksoze dhe emocionale, duke treguar edhe një herë lidhjen e fortë familjare që artistja ka me të ëmën.
Në një qytet të njohur për spektakël dhe shkëlqim, Guadalupe Rodríguez arriti të spikaste me diçka shumë më të fortë se dritat e skenës: energjinë dhe shpirtin rinor në moshën 80-vjeçare.
https://www.cdnimpuls.com/video/6957e9cfae46e.mov
