Kryeministri Edi Rama ka takuar presidentin e Realit të Madridit, Florentino Perez, teksa ka ndjekur ndeshjen Real Madrid-Villareal në tribunën VIP.
Ndeshja është e vlefshme për javën e tetë të kampionatit spanjoll të futbollit, La Liga.
Në postimin në Facebook, kryeministri Rama shkruan se me Perez kanë diskutuar rreth akademisë së futbollit në vendin tonë.
“I privilegjuar nga mikpritja e Presidentit legjendar të Real Madridit, Florentino Perez, në Stadiumin “Santiago Bernabeu”, ku folëm për sjelljen në Shqipëri të shkollës së futbollit dhe Universitetit të Sporteve që janë krijuar e mbështeten nga Fondacioni i klubit prestigjoz spanjoll”, shkruan Rama.
