Një qytetar në Shkodër e ka pësuar pasi nuk hodhi qeset me plehra në kosh. Në këtë video shihet momenti kur qytetari shfaqet me dy qese me plehra në duar, afrohet pranë koshit të mbeturinave por dy qeset i lë në tokë.
Ky moment u pikas nga një patrullë policie, e cila ndaloi dhe e ktheu qytetarin në mes të rrugës për të marrë qeset dhe për t’i hedhur brenda në kosh. Ngjarja ndodhi në një nga zonat e frekuentuara të qytetit, në qendër të qytetit të Shkodrës.
Qytetari më pas është shoqëruar në Polici dhe i është vendosur edhe një gjobë në vlerën 15 mijë lekë të rinj.
