Berisha njihet si një politikan që për çdo hall të vetin i ndryshon qëndrimet dhe parimit sikur të mos kenë ekzistuar kurrë.
Problemi nuk është lehtësia me të cilën i ndryshon, por që askush nuk ia merr për të madhe apo t’i kërkojë ‘llogari’.
Gjatë foltores së kësaj të hëne, Berisha ka akuzuar mediat e kontrolluara, sipas tij, nga qeveria, nga mëngjesi deri në darkë u bien borive se u shkel sovraniteti, duke iu referuar rastit të Venezuelës.
Mirëpo, gazeta TemA sjell për të gjithë ndjekësit e saj, një video të Sali Berishën, në kohën kur ai sapo u shpall ‘non grata’ nga SHBA, gjë që e bëri të vetëshpallej sovranist. “Kjo është një betejë për sovranitetin.” – shprehej në atë kohë Berisha, duke justifikuar ‘betejën’ e tij kundër SHBA-ve.
Berisha si çdo kush ka të drejtë të ndryshojë, por kjo mund të ndodhë pas një kohe dhe reflektimi, duke e shoqëruar edhe me argumente këtë ndryshim, mirëpo ai ka një lehtësi të hatashme në akrobacitë e qëndrimeve poltike sa të lë pa tekst dhe pa fjalë./nl/TemA
