Njësia ajrore amerikane 106th Rescue Wing ka zhvilluar një stërvitje të përbashkët me helikopterët e Forcave Ajrore Shqiptare në Aeroportin Ndërkombëtar të Tiranës, duke demonstruar nivelin e lartë të bashkëpunimit mes dy vendeve dhe forcave aleate të NATO-s.
Në një njoftim zyrtar, ambasada amerikane në Tiranë bëri të ditur se stërvitja kishte në fokus furnizimin me karburant të helikopterëve, një element kyç për rritjen e aftësive operacionale dhe gatishmërisë së trupave në situata krize.
“Bashkëpunim në veprim në Aeroportin Ndërkombëtar të Tiranës. 106th Rescue Wing u trajnua me helikopterë të Forcave Ajrore Shqiptare gjatë një ushtrimi për furnizim me karburant, duke forcuar aftësitë që mbajnë forcat e NATO-s gati për çdo mision. Ky trajnim praktik forcon ndërveprimin, përmirëson reagimin e shpejtë në kohë krize dhe tregon partneritetin e ngushtë midis Shteteve të Bashkuara dhe Shqipërisë. Së bashku, po ndërtojmë një NATO më të gatshme për luftime”, thuhet në postimin e ambasadës.
Stërvitja u zhvillua në kuadër të përforcimit të bashkëpunimit dhe ndërveprimit mes forcave ajrore të dy vendeve, duke testuar procedurat e përbashkëta në kushte reale operimi. Trajnimi praktik shërbeu për të përmirësuar koordinimin dhe reagimin e shpejtë, duke rritur aftësinë e NATO-s për të qenë e gatshme në çdo mision.
Ambasada amerikane vlerësoi se këto ushtrime janë një dëshmi e partneritetit të ngushtë mes ShBA-së dhe Shqipërisë, si dhe një kontribut i drejtpërdrejtë në mbajtjen e forcave të NATO-s të përgatitura për çdo sfidë.
“Ky trajnim praktik forcon ndërveprimin, përmirëson reagimin e shpejtë në kohë krize dhe tregon partneritetin e ngushtë midis Shteteve të Bashkuara dhe Shqipërisë. Së bashku, po ndërtojmë një NATO më të gatshme për luftime”, theksoi ambasada në deklaratën e saj.
