Dhjetëra mijëra njerëz, shumica prej të cilëve studentë, arritën pas dy ditësh marshimi nga Beogradi në Novi Sad në një nga demonstratat më të mëdha të zhvilluara në Serbi në muajt e fundit.
Një numër i madh studentësh kaluan kilometra të tëra që ndajnë kryeqytetin e Serbisë nga qyteti i dytë më i madh, duke mbërritur në Novi Sad për të zhvilluar protesta masive. Pamjet e studentëve që mbërritën në këmbë në qytetin verior të Serbisë për të bllokuar në mënyrë simbolike urat e Danubit, tregojnë përmasat e mëdha të këtij demonstrimi dhe pulsin e lëvizjes studentore, e cila po bëhet gjithnjë e më e fuqishme.
#BREAKING #Serbia JUST IN: Drone footage captures a massive protest in Novi Sad, Serbia.https://t.co/cSTDSGfsRq pic.twitter.com/AVv54IPg2S
— The National Independent (@NationalIndNews) January 31, 2025
Studentët u pritën me entuziazëm nga kolegët e tyre të universiteteve të Novi Sadit dhe qyteteve përreth, dhe të gjithë bashkë po planifikojnë të përshkallëzojnë protestat që nga sot, duke marshuar drejt stacionit hekurudhor të qytetit. Ky stacion është bërë një simbol i dhimbjes kolektive, pasi më 1 nëntor atje humbën jetën 15 qytetarë në një ngjarje tragjike.
Beogradski studenti umarširali u Novi Sad ❤️✊???????????? #SviNaUlice
Autor: Miloš Sadžakov pic.twitter.com/TyQe03NEhz
— Kreni-Promeni (@KPromeni) January 31, 2025
— Kreni-Promeni (@KPromeni) January 31, 2025
Lëvizja studentore, e cila është një iniciativë pa përkatësi përfaqësuese dhe politike, ka kërkuar dorëheqjen e presidentit Aleksandar Vučić dhe zbardhjen e plotë të ngjarjes dhe të informacionit për ata që janë përfshirë në aksident. Kjo lëvizje ka marrë përkrahje masive, me pjesëmarrjen aktive të të gjitha sindikatave të Serbisë, dhe presioni i saj në rritje ka rezultuar në dorëheqjen e kryeministrit të vendit këtë javë. Megjithatë, studentët theksojnë se kjo dorëheqje nuk i plotëson kërkesat e tyre për drejtësi dhe përgjegjësi të plotë për ngjarjen.
Ulazak biciklista u Novi Sad❤️❤️❤️ pic.twitter.com/jO01Fmayk0
— Miodrag Gavrilovic (@MishoGavrilovic) January 31, 2025
