Policia australian ka deklaruar se autorët e masakrës me 16 viktima në Sydney ishin babë e bir.Komisioneri i Policisë së Uellsit të Ri Jugor, Mal Lanyon, është pyetur nëse dy autorët e sulmit ishin të njohur për policinë dhe nëse ai do të komentojë mbi raportet se në vendngjarje është gjetur një flamur i zi i ISIS-it.
“Do të shqyrtojmë motivet pas këtij sulmi dhe mendoj se është e rëndësishme si pjesë e hetimit”, deklaroi ai.
Lanyon thotë se nuk kishte asnjë tregues që sugjeronte se ndonjëri prej burrave të përfshirë në të shtënat e djeshme po e planifikonte sulmin.
Ai shton se dy pajisje shpërthyese të improvizuara u gjetën pranë vendit të ngjarjes dhe u “lanë të sigurta” nga oficerët.
Lanyon thotë se dy autorët e ngjarjes ishin një baba dhe një bir, të moshës 50 dhe 24 vjeç.
Ai konfirmon se 50-vjeçari vdiq në vendngjarje, ndërsa 24-vjeçari mbetet në spital në gjendje kritike.
