Kur shikojnë se ish administratës së Berishës dhe Metës nuk i ka hyrë një gjemb në këmbë, të majtët e Ramës i kap zilia… nga “pastërtia dhe ndershmëria e tyre në shërbin të shtetit”.
Sot, i ke të gjithë çdo ditë në protesta, si besnik të veçantë të ish kryeministrit të tyre, që kurrë nuk e tradhëtuan, “duke ngrënë kumbulla pas shpinës së tij”.
Me makina 100 mijë euroshe, me saraje, vila, toka e biznese, njerëzit e administratës së Berishës dhe Metës jetojnë, atë që dikur e kishin ëndërr.
Madje, megjithëse u anatemuan si administratë qesharake analfabetësh, një gjë nuk mund t’ia mohojë askush…hajdutë të specializuar, të pa akuzuar, pa lënë asnjë shenjë të hajdutërisë së tyre, kjo falë edhe “respektit” që ish drejtuesit e SPAK dhe BKH-së kanë për vjedhësit.
Duke qenë të zënë me “tenderimet” që rastësisht derdimenët e reformës në drejtësi i’u a kanë lënë në dorë t’i bëjnë këta analfabetë funksional të fushës, kur për t’i bërë janë struktura dhe individë të specializuar, jo në shkolla të dyshimta si I.P.L.Gurakuqi që mbushi Shqipërinë me juristë me shkollë nate, si dhe na dhuroi disa prokurorëve në SPAK me shkollë dite, që sot nuk kanë kohë për të humbur me ca “vjedhje ordinere” nga hallexhijtë e kohës së shkuar.
Ndaj, i janë vërsulur strukturave shtetërore të tenderimeve si hijena, për të mos i’u lënë as kockat për gjurmë.
Ndalimet e pothuajse 60% të drejtuesve të administratës për shkelje të barazisë në tendera, duhet ta detyroi Ramën që ta drejtoi gishtin nga vetja, sepse ka gabuar dhe rëndë . Sllogane se drejtësia të bëjë punën e vet, tashmë ka rënë, sepse drejtësia nuk po bënë punën e saj, por po bënë punën e tij, duke e pastruar qeverinë, nga kumbllaxhijtë.
Mirëpo, janë bërë aq shumë ata që paskan ngrënë kumbulla, sa nuk po shikojmë asnjë që nuk ka ngrënë.
Ndalimi i drejtueses së AKSH për 12 tendera është një skandal i rëndë, jo për barazinë ,por kur flitet për korrupsion dhe pastrim parash në një nga istuticonet më të rëndësishme për ankesat dhe marëdhëniet me publikun, diçka duhet të ketë ndodhur, pa anashkaluar dhe yryshin e “Ndërmarjes së re të Tenderave, SPAK”, që deri tani ka habitur botën me rezultatet e tij…
Asnjë gjyq për të akuzuar për korrupsion, mes qindra akuzave qesharake për shkelje barazie në tendera. Produkti i kësaj katrahure është zero, asnjë lekë të gjetur, asnjë lekë të kthyer, sepse fituesi i tenderit nuk ka vjedhur dhe nuk është fajtor se ka fituar tenderin.
Ndaj, ka ardhur koha që shteti dhe pushteti duhet t’i shkarkoi delirantët e SPAK nga detyra e “tenderuesve” dhe t’i detyroi të bëjnë detyrën antikorruopsion, për të na kthyer milionat, që na kanë grabitur, për të cilën paguhen nga taksa paguesit shqiptarë .
Ndërsa Edi Rama, duhet të ndaj mendjen se çfarë administrate i duhet… ajo që pothuajse e gjitha ha kumbulla, ajo që nuk ha kumbulla, por është analfabete funksionale në detyrën e saj, ajo që pushtetin e quan qyp floriri që duhet mbushur, apo ajo si e Berishës dhe Metës, që nuk ishin arsimuar aty ku kryeministri ka pikën e dobët në Universitete të huaja… me para, por kishin diploma të blera me bono privatizimi, por… ama ishin mjeshtra në fshehjen e plaçkës së bërë. /Ekskluzive.al
