Manchester City fitoi sot 2-1 me përmbysje kundër Southampton në mitikun ‘Wembley’ dhe siguroi finalen e FA Cup. Në ndeshjen gjysmëfinale, ‘Qytetarët’ e Guardiolës ishin në disavantazh 0-1, megjithatë shënuan dy herë brenda pesë minutave lojë për të përmbysur gjithçka.
Southampton i befasoi të gjithë kur Finn Azaz mori një pasim të bukur dhe me një goditje të saktë e la portierin plotësisht të shtangur në minutën e 79-të. Sidoqoftë, gëzimi i Southampton zgjati vetëm katër minuta. Jeremy Doku me një goditje që u devijua nga mbrojtja përfundoi brenda portës së Peretz, duke barazuar rezultatin.
Pesë minuta më vonë Nico me një supergol nga distanca u kujdes për të përmbysur rezultatin në limitet e sfidës. Man. City kualifikohet në finalen e FA Cup e cila zhvillohet më 16 maj, teksa do të ketë përballë fituesin e çiftit Chelsea – Leeds.
Arsenali fiton me vuajtje dhe kthehet në krye, Liverpooli ‘blindon’ zonën Champions! Tottenhami merr fitoren e parë me De Zerbin
