Aktorja e njohur Cameron Diaz dhe bashkëshorti i saj, muzikanti Benji Madden, kanë zgjeruar familjen e tyre me fëmijën e tretë.
Lajmin e bëri të ditur vetë Benji Madden përmes një postimi në Instagram të hënën, më 4 maj, ku publikoi një ilustrim me një anije piratësh dhe emrin “Nautas Madden”.
Benji Madden: “Cameron dhe unë jemi të lumtur, të emocionuar dhe shumë të bekuar për të njoftuar lindjen e fëmijës sonë të tretë, Nautas Madden. Mirë se erdhe në botë, bir!! ”
Në të njëjtin postim, ai ndau edhe ilustrime të tjera simbolike, përfshirë një zog, një bimë në vazo dhe elemente të ndryshme që sipas tij përfaqësojnë jetën familjare.
Çifti është i njohur për jetën e tyre private dhe rrallë ndajnë imazhe të fëmijëve në rrjetet sociale ose në intervista publike. Ata janë gjithashtu prindër të vajzës Raddix Wildflower Madden, 6 vjeç, dhe djalit Cardinal Madden, 2 vjeç.
Pas lindjes së Cardinal në vitin 2024, një burim pranë çiftit kishte deklaruar për mediat se ata ndiheshin “shumë me fat” që u bënë sërish prindër.
Cameron Diaz ka folur më herët për sfidat e mëmësisë dhe vendimin për të pasur fëmijë në një moshë më të vonë, duke theksuar se ishte një zgjedhje e vetëdijshme dhe e rëndësishme për të.
Ndërkohë, lajmi për ardhjen në jetë të fëmijës së tretë ka marrë vëmendje të gjerë në mediat ndërkombëtare dhe rrjetet sociale, ku fansat kanë uruar çiftin për zgjerimin e familjes së tyre.
