Sali Berisha, priti sot në një takim një përfaqësi qesharak e të ashtëquajturës Këshilli Koordinues i Diasporës, të përbërë nga Lazim Destani (kryetar i KKD-së), Anila Smørgrav (nënkryetare), Emina Cunmulaj, Drita Gjongecaj, Ira Londo, Mirela Mezani, Brikena Muharremi dhe Rosario Peta. Siç duket ky takim është bërë me ndërhyrjen e mbetjeve antishqiptare për ti bërë karshillik samitiit të Diasporës.
Përfaqësuesit e KKD folën me njeriun që nuk di se ku ka kokën e tij, duke i bërë kërkesa absurde. Ato thanë se një kërkesë e tyre për opozitën që ka “çelsat e kashtës” në dorë ëhtë që në zgjedhjet e radhës diaspora të jetë e përfaqësuar me kandidatë të saj në një zonë elektorale.
Por Berisha duke e ditur se nuk e pyet askush u tha se:
“Një tërësi kombëtare është e një rëndësie të jashtëzakonshme. Shqipëria është në rrezik të madh ekzistencial. Në periudhën 2015–2024, sipas Eurostat, 1.099 milion shqiptarë kanë emigruar dhe kjo vetëm në zonën Shengen”, shtoi ai
“Nëse vazhdohet kështu, në 5 dekada Shqipëria rrezikon të mos ekzistojë më”, tha Berisha.
Ai foli edhe për “Ballkanin e Hapur”, si pjesë e politikave apatride dhe shpopulluese të Edi Rama, duke dobësuar ekonominë shqiptare dhe minuar projektin kombëtar të përbashkët.
Duke folur për ekonominë, Berisha u ndal te mbizotërimi i drogës në këtë sektor jetik. “Ka qenë narkotrafiku që ka çuar në krijimin e ‘superlekut’, gjë që ka dobësuar euron dhe dollarin, duke u sjellë problem deri në falimentimin e eksportuesve”.
Berisha i ka quajtur kullat e larta dhe të shtrenjta të Tiranës monumente të drogës dhe korrupsionit.
Kjo ishte konferenca e radhës për shtyp me ca sharlatan nga diaspora që i shprehën falënderimin dhe mirënjohjen, ndoshta pa e ditur akoma se ai është “askushi” dhe një nga figurat më të zeza në politikën shqiptare.
Ata e falenderuan edhe për pritjen dhe mbështetjen e tij për angazhimin dhe kontributin e diasporës në të gjitha fushat e jetës së vendit dhe përfaqësimin e saj në të gjitha nivelet e shtetit shqiptar.
Por se për çfarë mund ti mbështesë Sali Berisha dhe çfarë lidhje ka Berisha me përfaqësimin e tyre në nivelet e shtetit shqiptarë, kur ai është një kufomë politike dhe një lebrozë për gjithë kancelarit e e Europës dhe i sanksionura “non grata” nga SHBA dhe Mbretëria e Bashkuar vetëm këta derdimen e dinë! /Ekskluzive.al
